Wednesday, May 1, 2013

போதைக்கு அடிமையாகி, விடுபட எண்ணம் இருந்தால் ....

றைவுப் பழக்கங்களாக இருந்த போதை முறைகள், சமுதாயத்தில் நிரந்தர அத்தியாயமாகவே மாறிவிட்டது. உலகைச் சீரழித்துவரும் போதைப் பழக்கத்துக்கு அடிமையாகாமல் நலமாக வாழ்ந்து வருபவர்கள் அபூர்வமாகிவருகின்றனர்.   

மது, அந்தஸ்தின் சின்னமாக மாறிவிட்ட நிலையில், சமுதாய விழிப்பு உணர்வுடன் எழுதப்பட்ட 'போதை ?' என்னும் இந்த நூல், போதையில் மூழ்கிக்கிடப்பவர்கள் மீள்வதற்கான அற்புத வழிகாட்டியாக அமைந்திருக்கிறது.

''போதைப் பொருட்கள் அனைத்துமே மனம் சார்ந்ததுதான். பெரும்பாலும், உடல் களைப்புக்கு, வலிகளைப் போக்குவதற்கு மருத்துவரின் அறிவுரையின்பேரில் உட்கொண்டால், அத்தகைய செயலைப் போதைப் பொருள் பழக்கமாக எடுத்துக் கொள்ளக்கூடாது. மனநிலையை மாற்றுவதற்காகத் தானாகவே முன்வந்து தன் இஷ்டம்போல் உட்கொண்டால் அதுவே போதை பழக்கமாகும்'' என்கிறார் நூலாசிரியர் டாக்டர் மா.திருநாவுக்கரசு.

''மேலும் மேலும் இன்பத்தை அனுபவிக்கவேண்டும் என்ற எண்ணத்தில் அதிகமாக பயன்படுத்தும்போது, அதில் திருப்தி பெறுவது மிகவும் கடினம். இயலாத விஷயம். மகிழ்விக்கும் காரியங்களில் மனிதன் மூழ்கி நேரம், பொருள், தன்மானம், கௌரவம் அனைத்தையும் இழக்கத் தயாராகிறான். இந்த நிலையில்தான் போதை எதையும் செய்யத் துணிகிறது'' என்று போதைக்கு அடிமையானவர்களின் மன ஓட்டத்தை 'பளிச்'செனப் புரியவைத்திருக்கிறார் நூல் ஆசிரியர்.

குடிப் பழக்கம் ஒரு நோயாகவே கருதப்படுகிறது. ஒவ்வொரு நோய்க்கும் ஓர் ஆரம்பம் மற்றும் ஒரு முடிவு இருக்கிறது. அதேபோல் குடிப் பழக்கம் யதேச்சையாக ஆரம்பித்துப் படிப்படியாகப் பல நிலைகளைக் கடந்து, பூதாகாரமாகி சம்பந்தப்பட்ட நபரையே அழித்துவிடுகிறது. அந்தப் பாதிப்புகளைக் கதைபோல் விவரித்திருக்கிறார் ஆசிரியர்.

போதைக்கு அடிமையாகி விடுபட எண்ணம் இருந்தாலும் பெரும்பாலானோர் முயற்சி எடுக்காமல் மீண்டும் போதை என்னும் புதை குழிக்குள்ளேயே விழுகின்றனர். சிகிச்சை முறைகளை முழுமையாகக் கடைப்பிடித்தால் உரிய நிவாரணம் கிடைப்பது உறுதி. இரண்டு வருடங்கள் ஆகும்.

''பொதுவாக, குடிப் பழக்கத்தை நிறுத்துவதற்கு மட்டும்தான் ஞிமீtஷீஜ்வீயீவீநீணீtவீஷீஸீ என்ற சிகிச்சை தருகின்றனர். திரும்பவும் ஆரம்பிக்காமல் இருப்பதற்கு 'போதைப் பழக்க மாற்று சிகிச்சை' (ஞிமீணீபீபீவீநீtவீஷீஸீ) என்ற சிறப்பான சிகிச்சை அளிக்கப்பட வேண்டும். இதைச் சிறப்புப் பயிற்சி பெற்ற மனநல மருத்துவர்களால் மட்டுமே அளிக்க முடியும்'' எனவும் வழி சொல்கிறார் நூல் ஆசிரியர்.

போதை என்றால் என்ன? என்னென்ன பாதிப்புகள் ஏற்படும்? அதன் நிலைகள், விளைவுகள், சிகிச்சைகள், விடுபட வழிகள், நிரந்தரத் தீர்வு என அனைத்து விஷயங்களையும் எதிர் எதிரே அமர்ந்து உரையாடுவது போன்ற நடையில் தெளிவாகப் புரிய வைத்திருக்கிறார் நூலாசிரியர்.

போதைக் கணவரால் சித்ரவதைப் படும் பல பேதைப் பெண்களின் கண்ணீரைத் துடைக்க 'போதை ?' என்ற இந்த நூல் பெரிதும் கைகொடுக்கும்

2 comments:

VASUKI MAHAL KALYANA MANDAPAM & VASUKI MAHAL MATRIMONIALS said...

தன்னைத் தானே அழித்துக்கொண்டிருக்கும் ஒரு சமுதாயத்திற்கு தேவையான ஒரு பதிவு. அந்தக்கால புனர் ஜன்மம் படத்திலிருந்து, சிவசங்கரியின் " ஒரு மனிதனின் கதை " வழியாக பலர் பல விதங்களில் குடியின் கொடுமைகளை எடுத்துச் சொன்னாலும் அவை எல்லாம் செவிடன் காது சங்கு போலவே ஆகிவிட்டன.

ஒரு பன்னிரண்டு ஆண்டுகளுக்கு முன் ஒரு ":முன்னாள்" குடிகாரனின் கதையை நேரடியாக கேட்கும் வாய்ப்பு கிடைத்தது. அவர் பெயர் சுரேஷ் என்று நினைக்கிறேன். சுரேஷின் தந்தை ஒரு மத்திய அரசு துணை நிறுவனத்தில் ,மும்பையில் இயக்குனர் அளவுக்கு உயர்ந்தவர். அவரது குடும்பத்தில் அவரது அண்ணன்மார்கள் ஐ எ எஸ், . ஐ ஐ எம் என்று பெரிய படிப்புகள் படித்தவர்கள். ஆனால் சுரேஷோ படிப்பு வராமல் ஊரைச்சுற்றிக்கொண்டிருந்தவர். அதனால் தந்தையின் கோபத்துக்கு ஆளானவர். அந்தக் கோபமே அவரை மேலும் குடும்பத்திலிருந்து தனிமைப் படுத்தியது .மேலும் மேலும் குடிகாரரானார். குடிப்பதற்கு வீட்டில் பணம் கிடைக்கததால் திருட ஆரம்பித்தார். பிறகு கஞ்சா கடத்தினார் . போலீசில் பிடிபட்டு மத்திய பிரதேச சிறையில் சில காலம் இருந்தார்.

குடும்பத்தினர் பரிதாபப்பட்டு சுரேஷை ஒரு மருத்துவரிடம் அனுப்பினர். அதிலும் பலன் இல்லை .நிலைமையோ மோசமாகிக்கொண்டே வந்தது. அந்த சமயம் சுரேஷ் ஒரு இறை நெறியாளரை சந்திக்க , அவர் இவரிடம் ஆன்மீக உணர்வுகளை விதைத்தார் .அதன் பின் இறை பக்தியால் சுரேஷ் மீண்டு வந்தார். தனது அனுபவங்களை பிறரிடம் பகிர்ந்து கொள்ள "பேச்சாளர் " ஆனார்.



அவர் சொன்ன கருத்துக்கள் இந்தக் கட்டுரையில் உள்ளன. குடி என்பது மனத்தால் இயக்கப்படுவது. . குடியைப் போலவே சிகரெட் , பான் வெற்றிலை போன்றவையும் மனத்தால் இயக்கப் படுபவை. இவற்றை மருத்துவர்களால் குணப்படுத்த முடியாது. சுரேஷ் முடிவாக சொன்னது "இறைவன் ஒருவனால் மட்டுமே ஒரு குடிகாரனை மீட்க முடியும்.பக்தி ஒன்றுதான் இந்த மன நோயை குணப்படுத்தும் .இதை நான் ஒரு சவாலாகவே சொல்கிறேன் ". என்றார்.

அவர் மேலும் சொன்னது "முதல் தடவை " அல்லது "ஒரே ஒரு தடவை " என்று சொல்வதை நம்பவே கூடாது. ".அந்த முதல் முயற்சியைத் தடுத்தாலே ஒருவன் குடிகாரனாக ஆவதைத் தவிர்க்கலாம்" என்றார்.. . மேலும் இந்த பழக்கங்கள் விடலைப் பருவத்தில் நட்பு வட்டரங்களிடமிருந்து பரவுகின்றன. . நண்பர்கள் "சேர்ந்து குடிப்பதுதான் நட்புக்கு இலக்கணம் " என்று ஒரு புதிய விதியை உண்டாக்கும்போது நண்பர்கள் வட்டாரத்தில் தன்னை சேர்த்துக்கொள்ள மாட்டார்களோ என்ற அச்சத்தில் ஒரு பையன் குடிக்க ஆரம்பிக்கிறான். ஒரு முறை குடித்தபின் "அதுதான் கேட்டுப் போயாகிவிட்டதே .பிறகு எத்தனை தடவை குடித்தால் என்ன " என்று தனக்குத்தானே ஒரு நியாயம் கற்பித்துக்கொண்டு அந்தப் பழக்கத்தில் இறங்குகிறார். முதலில் அந்த புதிய பழக்கத்தில் தனக்கு கட்டுப்பாடு இருப்பதாக நினைக்கிறான். பிறகு பழக்கம் அவனை தன கட்டுப்பாட்டின் கீழ் கொண்டு வந்துவிடுகிறது.

ஆகையால் குடியை விஷம் என்று எண்ணி முதல் தடவை கூட தொடக் கூடாது என்று இளைஞர்களுக்கு அறிவுரை சொல்ல வேண்டும். அப்படி நண்பர்கள் வற்புறுத்தினால் அப்படிப்பட்ட நட்பு தேவையில்லை என்று தூக்கி எறியும் மன தைரியம் இளைஞர்களுக்கு இருக்க வேண்டும். அந்த தைரியத்தை பெற்றோர்கள் பிள்ளைகளுக்கு சொல்லித்தர வேண்டும்.



"எத்தனையோ பேர் சிகரெட்டை உடனடியாக விட்டிருக்கிறார்களே " என்றால் அவர்கள் மன நோயின் எல்லைக்குள் வரவில்லை என்று பொருள். அலது அவர்களது ஆன்மீக உணர்வு அவர்களது உதவிக்கு வந்திருக்கும். தன்னிலை உணர்வதே ஒரு ஆன்மீக உணர்வுதான்.



இது போன்ற செய்திகளையெல்லாம் படிக்கும் பொது "ஒருவனது முடிவு அவரது ஐம்புலன்களுக்கு பிடித்தான வழியில் செல்வதால் " என்று எண்ணத் தோன்றுகிறது..ஐம்புலன்களை ஆள்வது மனம். ஆகையால் மனம் போனபடி செல்வது கடவுளை நேரிலேயே கண்டு கை குலுக்க ஒரு எளிய வழி என்று தோன்றுகிறது.



அன்புடன்

ராமகிருஷ்ணன்

மயிலாப்பூ

VASUKI MAHAL KALYANA MANDAPAM & VASUKI MAHAL MATRIMONIALS said...

இந்த புத்தகத்தை வாங்கி குடியில் அழிந்துகொண்டிருக்கும் நண்பர்கள் உறவினர்களுக்கு பரிசளிக்கலாம், பள்ளிகளில் போட்டிகளில் வெற்றிபெறும் மாணவர்களுக்கு கொடுக்கலாம். அவர்கள் மூலம் இந்த செய்தி சமுதாயத்தில் பரவினால் நாட்டிற்கும் நல்லது, அவர்கள் வீட்டிற்கும் நல்லது.